Գերմանիայի չեմպիոն Մյունխենի «Բավարիայի» գլխավոր տնօրեն Կառլ-Հայնց Ռումենիգեն հորդորել է անավարտ չթողնել մրցաշրջանը, որը դադարեցվել է կորոնավիրուսի պանդեմիայի հետեւանքով։
«Արդեն երեք օր է վերսկսել ենք մարզումները փոքր խմբերով՝ պահպանելով առողջապահական կանոնները։ Առաջնության վերսկսումը մայիսին տարբերակներից մեկն է։ Սակայն մենք կհետեւենք Իտալիայի օրինակին։
Մենք պետք է վերսկսենք մրցաշրջանը, որպեսզի խուսափենք մարզական խնդիրներից եւ մեծ տնտեսական կորուստներից։ Մենք սպասում ենք հավանության կառավարության կողմից։
Ֆուտբոլը արդեն մեկ տասնամյակ ապրում է եկամուտներին ոչ համապատասխան՝ մեծացնելով ծախսերը։ Ակումբներն իրենց վրա են վերցրել բոլոր ռիսկերը։ Այսպիսի պայմաններում կարեւոր է ֆինանսական բարեկեցությունը»,- Ռումենիգեի խոսքը մեջբերում է Corriere dello Sport-ը։
Սպասվում է, որ ամռանը առաջնությունների վերսկսումից հետո հանդիպումները կանցկացվեն առանց հանդիսականների։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։