Շոտլանդիայի պրոֆեսիոնալ ֆուտբոլային լիգան ցանկանում է ապրիլի 23-ից հետո երկրի առաջնությունը համարել ավարտված, իսկ չեմպիոն հռչակել ընթացիկ առաջատար «Սելթիկին», հաղորդում է բրիտանական The Guardian-ը։ Որոշումն ընդունելու համար անհրաժեշտ է բարձրագույն դիվիզիոնի 12 ակումբներից 9-ի ձայնը։
Որոշ ակումբներ ոչ պաշտոնապես սպառնացել են նման որոշման դեպքում, դատական հայց ներկայացնել լիգայի դեմ։ Դատավարություններից խուսափելու համար լիգան կարող է հաջորդ մրցաշրջանում մասնակիցների թիվը 2-ով ավելացնել։
Հիշեցնենք, որ Բելգիայում եւս ցանկանում են արդեն հիմա ավարտել մրցաշրջանը, իսկ չեմպիոն հռչակել առաջատար «Բրյուգեին»։
ՈւԵՖԱ-ից հորդորել էին չխախտել մարզական սկզբունքները եւ սպասել ընդհանուր որոշման բոլոր եվրոպական լիգաների համար։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։