«Բավարիան» նոր պայմանագրի հարցում համաձայնության է եկել թիմի կիսապաշտպանի հետ

Մյունխենի «Բավարիայի» ղեկավարությունն առաջիկա օրերի ընթացքում նոր պայմանագիր կկնքի թիմի իսպանացի կիսապաշտպան Տիագո Ալկանտարայի հետ, տեղեկացնում է Kicker-ը:

«Բավարիան» ավելի բարձր աշխատավարձով պայմանագիր կկնքի Ալկանտարայի հետ՝ նախատեսված մինչև 2023 թվականի հունիս:

Տիագո Ալկանտարան «Բավարիա» է տեղափոխվել 2013 թվականին՝ կատալոնական «Բարսելոնայից»: Ընթացիկ մրցաշրջանում իսպանացի ֆուտբոլիստը բոլոր ակումբային մրցաշարերում մասնակցել է 32 հանդիպման, խփել 3 գոլ, կատարել 2 գոլային փոխանցում:

Հիշեցնենք, որ «Բավարիան» ապրիլի 7-ին նոր պայմանագիր էր կնքել թիմի գերմանացի կիսապաշտպան Թոմաս Մյուլերի հետ: