Transfermarkt․ Ֆուտբոլիստների ընդհանուր տրանսֆերային գինը նվազել է 9 միլիարդ եվրոյով (աղյուսակ)
22:09 8 ապրիլի, 2020Հեղինակավոր Transfermarkt-ը կորոնավիրուսի պանդեմիայի հետեւանքով 20 տոկոսով նվազեցրել է բոլոր ֆուտբոլիստների տրանսֆերային գինը։ Բացառություն են մինչեւ 1998 թվականից հետո ծնված ֆուտբոլիստները, որոնց գինը նվազել է 10 տոկոսով։
Տրանսֆերային շուկայում գրանցված բոլոր ֆուտբոլիստների ընդհանուր գինը նվազել է 9,22 միլիարդ եվրոյով։
Ամենաթանկ ֆուտբոլիստը Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեն է՝ 180 միլիոն եվրո։Երկրորդ տեղում է ՊՍԺ-ի եւ Բրազիլիայի հավաքականի հարձակվող Նեյմարը՝ 128 միլիոն եվրո։ Նույնքան է գնահատվում նաեւ Անգլիայի չեմպիոն «Մանչեսթեր Սիթիի» անգլիացի կիսապաշտպան Ռահիմ Ստերլինգի տրանսֆերը։
Հայաստանի հավաքականի եւ իտալական «Ռոմայի» կիսապաշտպան Հենրիխ Մխիթարյանի տրանսֆերը գնահատվում է 20 միլիոն եվրո։ Նրա տրանսֆերային իրավունքը պատկանում է Լոնդոնի «Արսենալին»։
Թուրինի «Յուվենտուսի» պորտուգալացի հարձակվող Կրիշտիանու Ռոնալդուի տրանսֆերը գնահատվում է 60 միլիոն եվրո։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։