Կատալոնական «Բարսելոնայի» և Ուրուգվայի ազգային հավաքականի հարձակվող Լուիս Սուարեսը հայտարարել է, որ մտադիր չէ ընթացիկ մրցաշրջանի ավարտից հետո հեռանալ Իսպանիայի չեմպիոնի կազմից:
«Ուրախ կլինեմ, եթե Լաուտարո Մարտինեսն ու Նեյմարը տեղափոխվեն «Բարսելոնա»: Նրանք բարձրակարգ հարձակվողներ են, որոնց ներկայությունը միայն օգտակար կլինի թիմի համար:
Ես ցանկանում եմ նոր պայմանագիր կնքել «Բարսելոնայի» հետ և մտադիր չեմ հեռանալ ակումբից»,- Սուարեսի խոսքը փոխանցում է Sport.es-ը:
Ավելի վաղ հայտնի էր դարձել, որ «Բարսելոնան» չի ցանկանում երկարաձգել համագործակցությունը 33-ամյա հարձակվողի հետ և մտադիր է ամռանը վաճառել նրան:
Ընթացիկ մրցաշրջանում ուրուգվայցի հարձակվողը բոլոր ակումբային մրցաշարերում մասնակցել է 23 հանդիպման՝ դառնալով 14 գոլի ու 11 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։