Խառը մենամարտերի թեթև քաշային կարգում ամերիկացի մարզիկ Տոնի Ֆերգյուսոնը ռուսաստանցի Խաբիբ Նուրմագոմեդովին և իռլանդացի Քոնոր Մաքգրեգորին համարում է արդեն կարիերան ավարտած մարզիկներ:
«Նուրմագոմեդովն ու Մաքգրեգորը ոչնչով չեն տարվերվում փալասից: Նրանք արդեն ավարտել են իրենց կարիերան:
Խաբիբը ձեզ համար վառ օրինակ է: Նա վերջին պահին թաքնվեց Ռուսաստանում և հրաժարվեց մենամարտել ինձ հետ»,- Ֆերգյուսոնի խոսքը փոխանցում է MMA Junkie-ն:
Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը նախատեսված էր անցկացնել ապրիլի 18-ին: Ռուսաստանցի մարզիկը հրաժարվել է մասնակցել մենամարտին՝ պատճառաբանելով, որ կարանտինի պայմաններում հնարավորություն չունի լքել Ռուսաստանը:
Խաբիբ Նուրմագոմեդովի փոխարեն Տոնի Ֆերգյուսոնի հետ կմենամարտի ամերիկացի Ջասթին Գեթժին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։