Արտակ Գրիգորյանը՝ Խոակին Կապարոսի և կորոնավիրուսի մասին (ֆոտո)
11:11 7 ապրիլի, 2020Հայաստանի ազգային հավաքականի կիսապաշտպան, Երևանի «Ալաշկերտի» ավագ Արտակ Գրիգորյանը NEWS.am Sport-ի թղթակցի հետ զրույցում պատմել է՝ ինչպես է պահպանում մարզավիճակը կորոնավիրուսի պանդեմիայով պայմանավորված դադարի ընթացքում, նաև կիսվել Հայաստանի հավաքականի նորանշանակ գլխավոր մարզիչ Խոակին Կապարոսի հետ աշխատանքից սպասելիքներով:
«ՄԱՐԶՎԵԼ ՏԱՆԸ ԵՎ ԽԱՂԱԴԱՇՏՈւմ՝ ՏԱՐԲԵՐ ԲԱՆԵՐ ԵՆ»
«Մարզավիճակը պահպանում ենք մարզումային անհատական ծրագրերի օգնությամբ, որոնք ստացել ենք «Ալաշկերտի» մարզչական շտաբից: Իհարկե, հիմա ծանր ժամանակներ են բոլորիս համար, սակայն պետք է անենք մեզանից կախված ամեն ինչ և հետևենք բոլոր ցուցումներին: Մարզվել տանը և խաղադաշտում՝ տարբեր բաներ են, սակայն պարտավոր ենք հաշտվել իրավիճակի հետ և լավատես լինել»:
«ԿԱՊԱՐՈՍԸ ԿԱՐՈՂ Է ՄԱՐՏՈւՆԱԿ ԹԻՄ ՍՏԵՂԾԵԼ»
«Մենք շատ լավ ծանոթ ենք այն ճանապարհին, որն անցել է Խոակին Կապարոսը: Ուրախ եմ, որ մեր հավաքականը մարզելու է նման կարգի մասնագետ: Հուսով ենք, որ նրա մեծ փորձն ու հմտությունները հաջողություն կբերեն Հայաստանի հավաքականին:
«Սևիլիայում» Կապարոսը բացահայտել է մի շարք տաղանդների, որոնք հետագայում դարձել են համաշխարհային կարգի աստղեր: Մեր նոր գլխավոր մարզիչը կարող է մարտունակ թիմ ստեղծել՝ ճիշտ համադրելով փորձառու և երիտասարդ ֆուտբոլիստներին»:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.