Ֆուտբոլի Արաբական Միացյալ Էմիրությունների հավաքականի գլխավոր մարզիչ Իվան Յովանովիչը հեռացվել է թիմի հետ ոչ մի հանդիպում չանցկացրած։
57-ամյա սերբ մասնագետի պայմանագիրը խզված է, հաղորդում է ԱՄԷ-ի ֆուտբոլային ասոցիացիայի մամուլի ծառայությունը։
Յովանովիչը ԱՄԷ-ի հավաքականը գլխավորել էր 2019թ․ դեկտեմբերին՝ կնքելով կես տարվա պայմանագիր։ Նա պետք է թիմը պատրաստեր մարտին եւ հունիսին նախատեսված հանդիպումներին 2022թ․ աշխարհի առաջնության եւ 2023թ․ Ասիայի գավաթի խաղարկության ընտրական փուլերում։
Սակայն կորոնավիրուսի պանդեմիայի հետեւանքով մրցաշրջանը դադարեցված է։ Ազգային հավաքականների մասնակցությամբ հանդիպումների անցկացում սպասվում է աշնանը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։