Հենրիխ Մխիթարյանը պատրաստ է մնալ «Ռոմայում» նաեւ աշխատավարձի նվազման դեպքում
19:10 6 ապրիլի, 2020Հայաստանի հավաքականի եւ «Ռոմայի» կիսապաշտպան Հենրիխ Մխիթարյանը պատրաստ է շարունակել կարիերան հռոմեական ակումբում նաեւ աշխատավարձի նվազման դեպքում, հաղորդում է gazetta.it-ը։
31-ամյա ֆուտբոլիստի իտալացի գործակալ Մինո Ռայոլան այժմ բանակցում է «Ռոմայի» եւ Լոնդոնի «Արսենալի» հետ, որին պատկանում է Մխիթարյանի տրանսֆերային իրավունքը։ Մխիթարյանի պայմանագիրը անգլիական ակումբի հետ նախատեսված է մինչեւ 2021թ․ հունիս։
«Ռոման» պատրաստ է գնել հայ ֆուտբոլիստի տրանսֆերը։ Իտալական ակումբի պորտուգալացի գլխավոր մարզիչ Պաուլու Ֆոնսեկան մի քանի անգամ հայտարարել է, որ ցանկանում է շարունակել համագործակցությունը Մխիթարյանի հետ, որը դարձել է թիմի առանցքային խաղացողներից մեկը։
«Ռոմայում» վարձակալությամբ հանդես եկող Մխիթարյանն այս մրցաշրջանում ակումբում մասնակցել է 17 հանդիպման, խփել 6 գոլ, կատարել 4 գոլային փոխանցում։
Transfermarkt.com-ը Մխիթարյանի տրանսֆերային արժեքը գնահատում է 25 միլիոն եվրո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.