Sky Sports․ Սադիո Մանեն՝ Անգլիայի ընթացիկ առաջնության լավագույն խաղացող

23:31   5 ապրիլի, 2020

Sky Sports-ի հարցման արդյունքում անգլիական Պրեմյեր լիգայի այս մրցաշրջանի լավագույն ֆուտբոլիստ է ճանաչվել «Լիվերպուլի» սենեգալցի հարձակվող Սադիո Մանեն, որը ստացել է ձայների 33 տոկոսը։

Լավագույն եռյակում են նաեւ «Լիվերպուլի» անգլիացի կիսապաշտպան Ջորդան Հենդերսոնը (31 տոկոս) եւ «Մանչեսթեր Սիթիի» բելգիացի կիսապաշտպան Կեւին Դե Բրույնեն (20 տոկոս)։

Անգլիայի ընթացիկ առաջնությունում Մանեն մասնակցել է 26 հանդիպման, խփել 14 գոլ, կատարել 7 գոլային փոխանցում։

Sky Sports-ի հարցմանը մասնակցել է 50 հազարից ավելի մարդ։

Անգլիայի առաջնությունը դադարեցված է կորոնավիրուսի պանդեմիայի հետեւանքով։ Սպասվում է, որ այն կվերսկսվի ամռանը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։