Պարետային ժամը խախտած սերբ ֆուտբոլիստը 3 ամիս կմնա տնային կալանքի տակ
18:16 5 ապրիլի, 2020Սերբիայի հավաքականի եւ Սաուդյան Արաբիայի «Ալ Իթիհադի» հարձակվող Ալեքսանդր Պրիյովիչը Բելգրադում պարետային ժամը խախտելու համար դատապարտվել է 3 ամսվա տնային կալանքի, հաղորդում է AP News-ը։
29-ամյա ֆուտբոլիստն ընդունել է մեղքը տեսակապի միջոցով անցկացված դատական նիստի ընթացքում։ Պրիյովիչը հինգ ընկերների հետ եղել էր Բելգրադի հյուրանոցներից մեկի ռեստորանում։
Սերբիայի մայրաքաղաքում պարետային ժամը 17։00-ից մինչեւ 05։00-ն է, հանգստյան օրերին՝ շաբաթ օրվա 13։00-ից մինչեւ երկուշաբթի 05։00-ն։
Կորոնավիրուսի պանդեմիայի հետեւանքով հայտարարված կարանտինի ժամանակ պարետային ժամը խախտելու համար կարող է կիրառվել մինչեւ երեք տարվա ազատազրկում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։