Լաուտարո Մարտինեսը մերժել է «Ինտերին»՝ հրաժարվելով աշխատավարձի կրկնակի բարձրացումից

19:22   5 ապրիլի, 2020

Միլանի «Ինտերը» չի կարողացել համաձայնության հասնել թիմի արգենտինացի հարձակվող Լաուտարո Մարտինեսի հետ պայմանագրի երկարաձգման վերաբերյալ, հաղորդում է Sport.es-ը։

Իտալական ակումբը 22-ամյա ֆուտբոլիստին առաջարկել է աշխատավարձի կրկնակի բարձրացում։ Այժմ նա ստանում է տարեկան 2 միլիոն եվրո։ «Բարսելոնան», «Մանչեսթեր Սիթին» եւ «Չելսին» պատրաստ են Լաուտարո Մարտինեսին վճարել տարեկան 10 միլիոն եվրո։

Ֆուտբոլիստը երազում է խաղալ արգենտինացի հարձակվող Լիոնել Մեսիի հետ կատալոնական թիմում։

«Ինտերը» մտադիր է ֆուտբոլիստի տրանսֆերի համար պահանջել 111 միլիոն եվրո, որը սահմանված է նրա պայմանագրով։

Լաուտարո Մարտինեսը «Ինտեր» է տեղափոխվել 2018-ին արգենտինական «Ռասինգից»։ Նրա պայմանագիրը նախատեսված է մինչեւ 2023թ․ հունիս։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։