Օլիմպիական չեմպիոնին թույլ չեն տալիս դուրս գալ ինքնամեկուսացումից, թեեւ նրա երկրորդ թեստը բացասական է․ ria.ru
00:47 5 ապրիլի, 2020Գեղասահքի օլիմպիական չեմպիոն (1984թ․), Ռուսաստանի վաստակավոր մարզիչ Օլեգ Վասիլեւը դժգոհել է, որ իր ընտանիքին արգելել են դուրս գալ ինքնամեկուսացումից, թեեւ կորոնավիրուսի դրական թեստի փաստաթուղթ չի ստացել, իսկ երկրորդ թեստը բացասական է։
«Մեզ ոչ մի թուղթ չեն տվել, որ կորոնավիրուսով ենք վարակված եղել։ Եկավ շտապօգնությունը եւ ասացին, որ ունեն տեղեկություն մեր վարակվածության մասին, բայց այդ փաստը հաստատող ոչ մի փաստաթուղթ չտրամադրեցին։
Իմ եւ երեխայիս երկրորդ, երրորդ եւ չորրորդ թեստերի պաստախանը ստացել ենք, դրանք բացասական են։ Բայց մենք շարունակում ենք մնալ տնային բուժման ռեժիմում։ Կնոջս առաջին եւ երկրորդ թեստն էլ բացասական է, բայց նա երկու շաբաթ պետք է մնա ինքնամեկուսացած։ Բայց որեւէ մարմին չի հայտնում, թե ինչ է նշանակում ամբողջական առողջացում։ Բոլորը հասկանում են, որ մենք առողջ ենք, բայց ոչ ոք չի հաստատում դա, որպեսզի մենք կարողանանք դուրս գալ ինքնամեկուսացումից»,- ասել է Օլեգ Վասիլեւը ria.ru-ին։
Վասիլեւը օգնության էր դիմել Շվեյցարիայից կնոջ եւ դստեր վերադարձից հետո։ Նրանց չվերթի ուղեւորներից մեկի մոտ ախտորոշվել էր կորոնավիրուս։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։