Ռումյան Հովսեփյան․ Ուրախ եմ, որ հենց Խոակին Կապարոսն է մարզելու մեր հավաքականը (ֆոտո)

11:11   5 ապրիլի, 2020

Բուլղարական «Արդայի» եւ Հայաստանի հավաքականի կիսապաշտպան Ռումյան Հովսեփյանը NEWS.am Sport-ի թղթակցի հետ զրույցում պատմել է, թե կորոնավիրուսի համավարակի պայմաններում ինչ իրավիճակ է Բուլղարիայում, նաեւ խոսել է Հայաստանի ազգային հավաքականի նորանշանակ գլխավոր մարզիչ, իսպանացի Խոակին Կապարոսի հետ համատեղ աշխատանքից իր ակնկալիքների մասին։

«ՄԵՐ ՔԱՂԱՔՈւՄ ԱՄԵՆ ԻՆՉ ՀԱՄԵՄԱՏԱԲԱՐ ՀԱՆԳԻՍՏ Է»

«Բուլղարիայում իրավիճակը նույնն է, ինչ հարեւան երկրներում։ Մեր քաղաքում (Կիրջալի) ամեն ինչ համեմատաբար հանգիստ է։

Մարզչական շտաբից ստացել ենք անհատական մարզումների ծրագիր։ Ձգտում ենք առավելագույնը քաղել այս մարզումներից տնային պայմաններում»։

«ԿԱՊԱՐՈՍԸ ԲԱՐՁՐԱԿԱՐԳ ՄԱՍՆԱԳԵՏ Է»

«Ես շատ եմ լսել Խոակին Կապարոսի մասին։ Գիտեմ, որ նա բարձրակարգ մասնագետ է։ Ուրախ եմ, որ հենց Կապարոսն է մարզելու մեր հավաքականը։

Հույս ունեմ, որ միասին կհասնենք նոր հաջողությունների եւ մեր երկրպագուներին կուրախացնենք հաղթանակներով»:

Սամվել Սուքիասյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։