«Յուվենտուսը» դեմ է արտահայտվել Ա Սերիան վաղաժամ ավարտելու գաղափարին
15:47 4 ապրիլի, 2020Իտալիայի ֆուտբոլի ֆեդերացիայի նախագահ Գաբրիելե Գրավինան հայտարարել է, որ Իտալիայում ֆուտբոլային առաջնությունները ժամանակից շուտ չեն ավարտվի:
«Մենք քննարկում ենք ունեցել թիմերի հետ մրցաշրջանը վաղաժամ ավարտելու վերաբերյալ, սակայն ակումբները դեմ են արտահայտվել այդ գաղափարին: Դեմ է արտահայտվել նաև «Յուվենտուսը», որը մրցաշարային աղյուսակի ներկայիս առաջատարն է:
Եթե մրցաշրջանը չշարունակվի, թիմերը շատ լուրջ ֆինանսական խնդիրներ կունենան և նույնիսկ կարող են սնանկանալ: Պետք է ամենայն մանրամասնությամբ քննարկենք բոլոր հնարավոր տարբերակները»,- Գրավինայի խոսքը փոխանցում է Eurosport-ը:
Ավելի վաղ մրցաշրջանը վաղաժամ ավարտելու գաղափարին դեմ էր արտահայտվել նաև կատալոնական «Բարսելոնան», որը մրցաշրջանի չեղարկման դեպքում պետք է հռչակվեր չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։