Կատալոնական «Բարսելոնան» չի պատրաստվում ամառային տրանսֆերային պատուհանի ընթացքում հրաժարվել թիմի ֆրանսիացի հարձակվող Ուսման Դեմբելեի ծառայություններից, տեղեկացնում է Mundo Deportivo-ն:
«Բարսելոնայի» մարզչական շտաբը վստահ է, որ վնասվածքից լիարժեք ապաքինվելուց հետո 22-ամյա հարձակվողը կկարողանա առանցքային դեր ստանձնել թիմում:
Այնուամենայնիվ, եթե կորոնավիրուսի պանդեմիայի պատճառով «Բարսելոնան» լուրջ ֆինանսական խնդիրների առաջ կանգնի, ապա այդ դեպքում կքննարկի Դեմբելեին վաճառելու հնարավորությունը:
22-ամյա ֆուտբոլիստը վնասվածքների պատճառով բաց է թողել ընթացիկ մրցաշրջանի մեծ մասը։ Նա «Բարսելոնայի» հետ մասնակցել է 9 հանդիպման, խփել 1 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։