Անչելոտին ցանկանում է «Էվերտոնում» տեսնել «Ռեալի» 2 ֆուտբոլիստի
12:18 4 ապրիլի, 2020Անգլիական «Էվերտոնի» գլխավոր մարզիչ Կառլո Անչելոտին ցանկանում է իր թիմում տեսնել Մադրիդի «Ռեալի» ուելսցի կիսապաշտպան Գարեթ Բեյլին և կոլումբացի կիսապաշտպան Խամես Ռոդրիգեսին:
Marca-ի տեղեկություններով՝ Անչելոտին գիտակցում է, որ «Էվերտոնի» համար շատ դժվար կլինի «Ռեալի» հետ համաձայնության գալը և այդ պատճառով անձամբ կփորձի համոզել Բեյլին ու Խամեսին տեղափոխվել «Էվերտոն»:
Կառլո Անչելոտին Գարեթ Բեյլի ու Խամես Ռոդրիգեսի հետ աշխատել է «Ռեալը» գլխավորելու տարիներին՝ 2013-2015 թվականներին:
Ընթացիկ մրցաշրջանում Գարեթ Բեյլը բոլոր ակումբային մրցաշարերում մասնակցել է 17 հանդիպման՝ դառնալով 2 գոլի ու 2 գոլային փոխանցման հեղինակ, իսկ Խամես Ռոդրիգեսը 10 խաղում խփել է 1 գոլ, կատարել 1 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։