Ռիվալդո. Չավին դժվարություններ կունենա «Բարսելոնայում»
11:50 4 ապրիլի, 2020Կատալոնական «Բարսելոնայի» և Բրազիլիայի ազգային հավաքականի նախկին ֆուտբոլիստ Ռիվալդոն մեկնաբանել է «Բարսելոնայի» լեգենդ Չավի Էրնանդեսի՝ Իսպանիայի չեմպիոնի գլխավոր մարզիչի պաշտոնում նշանակվելու մասին լուրերը:
«Վաղ թե ուշ Չավին գլխավորելու է «Բարսելոնան»: Կգա մի ժամանակ, և նա կհասկանա, որ իր տեղը «Բարսելոնայում» է:
Չավին ծանոթ է «Բարսելոնայի» ներքին կյանքին, ամբողջությամբ տիրապետում է ակումբի փիլիսոփայությանը, սակայն նա կփորձի կրկնել այն, ինչն արել է Գվարդիոլան: Կարծում եմ՝ նա դժվարություններ կունենա այս հարցում»,- Ռիվալդոյի խոսքը մեջբերում է BetFair-ը:
Հիշեցնենք, որ Չավին «Բարսելոնայի» ակումբային ակադեմիայի՝ Լա Մասիայի սան է: Իսպանացի կիսապաշտպանը «Բարսելոնայում» հանդես է եկել 1997-2015 թվականներին, այնուհետև տեղափոխվել է Քաթարի առաջնությունը ներկայացնող «Ալ-Սադ» և 2019 թվականին ավարտել ֆուտբոլիստի կարիերան: Այժմ Չավին զբաղեցնում է «Ալ-Սադի» գլխավոր մարզիչի պաշտոնը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։