Ֆրանսիական ՊՍԺ-ն քննարկում է թիմի բրազիլացի հարձակվող Նեյմար Ժունիորին կատալոնական «Բարսելոնային» վաճառելու հնարավորությունը, տեղեկացնում է Diario Sport-ը:
ՊՍԺ-ին հետաքրքրել է «Բարսելոնայի» ֆրանսիացի հարձակվող Անտուան Գրիզմանին Նեյմարի տեղափոխության գործարքում ընդգրկելու հնարավորությունը: Ֆրանսիական ակումբում կարծում են, որ Գրիզմանը կկարողանա առաջատարի դեր ստանձնել թիմում:
Ավելի վաղ հայտնի էր դարձել, որ եթե ՊՍԺ-ն հրաժարվի Նեյմարին վաճառել «Բարսելոնային», ապա բրազիլացի ֆուտբոլիստը կդիմի դատարան՝ ՊՍԺ-ի հետ պայմանագիրը խզելու պահանջով: «Բարսելոնայի» ղեկավարությունն իրադարձությունների նման զարգացման դեպքում պատրաստակամություն է հայտնել իրավաբանական օգնություն տրամադրել Նեյմարին:
Նեյմարը «Բարսելոնայում» հանդես է եկել 2013-2017 թվականներին: Բրազիլացի հարձակվողի տեղափոխությունը ՊՍԺ համարվում է ֆուտբոլի պատմության ամենաթանկարժեք տրանսֆերը: Ֆրանսիական ակումբը Նեյմարի դիմաց «Բարսելոնային» վճարել է 222 միլիոն եվրո:
Անտուան Գրիզմանը Մադրիդի «Աթլետիկոյից» «Բարսելոնա» է տեղափոխվել 2019 թվականի ամռանը՝ 130 միլիոն եվրոյի դիմաց:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։