Կատալոնական «Բարսելոնայի» ղեկավարությունը շարունակում է բանակցել գերմանացի դարպասապահ Մարկ-Անդրե տեր Շտեգենի հետ նոր պայմանագիր կնքելու վերաբերյալ:
Diario Sport-ի տեղեկություններով՝ 27-ամյա դարպասապահը «Բարսելոնայի» ղեկավարությունից պահանջել է կրկնապատկել իր աշխատավարձը, որը հիմա կազմում է տարեկան 5 միլիոն եվրո:
Այնուամենայնիվ, «Բարսելոնայում» ցանկանում են ամեն գնով նոր պայմանագիր կնքել Տեր Շտեգենի հետ և, ամենայն հավանականությամբ, առաջիկայում համաձայնության կհասնեն ֆուտբոլիստի աշխատավարձի հարցում:
Մարկ-Անդրե տեր Շտեգենի պայմանագիրը «Բարսելոնայի» հետ նախատեսված է մինչև 2022 թվականի հունիս:
Ընթացիկ մրցաշրջանում գերմանացի դարպասապահը բոլոր ակումբային մրցաշարերում մասնակցել է 32 հանդիպման, դարձել 2 գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։