Խառը մենամարտերի ամերիկացի մարզիկ Տոնի Ֆերգյուսոնը UFC նախագահ Դանա Ուայթից պահանջել է թեթև քաշային կարգում չեմպիոն, ռուսաստանցի Խաբիբ Նուրմագոմեդովին զրկել չեմպիոնական գոտուց:
«Խաբիբը չի ցանկանում մենամարտել և այժմ արդարացումներ է ման գալիս մենամարտից հրաժարվելու համար: Նա գիտեր, որ չի կարող դուրս գալ Ռուսաստանից և, այնուամենայնիվ, գնաց այնտեղ:
Խաբիբը վախկոտ է, և նրան պետք է զրկել չեմպիոնական գոտուց»,- Ֆերգյուսոնի խոսքը փոխանցում է ESPN-ն:
Ավելի վաղ Խաբիբ Նուրմագոմեդովը հայտարարել էր, որ կորոնավիրուսի պանդեմիայի պատճառով հրաժարվում է լքել Ռուսաստանը և մենամարտել Ֆերգյուսոնի հետ:
Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը չեղարկվում է արդեն 5-րդ անգամ: Մենամարտը նախատեսված էր անցկացնել ապրիլի 18-ին՝ Լաս Վեգասում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։