Թուրինի «Յուվենտուսի» և Արգենտինայի ազգային հավաքականի հարձակվող Պաուլո Դիբալան պատմել է կորոնավիրուսով վարակված լինելու ընթացքում իր առողջական վիճակի և վիրուսի ախտանշանների մասին:
«Ես ուժեղ հազ ունեի և միշտ հոգնած էի զգում ինձ: Երբ քնում էի, մրսածության զգացողություն էի ունենում: Սկզբում չէի մտածում, որ կարող եմ վարակված լինել կորոնավիրուսով, սակայն հետո նույն ախտանշանները հայտնվեցին նաև կնոջս մոտ: Մենք ուժգին գլխացավեր էինք ունենում:
Երբ «Յուվենտուսի» 2 ֆուտբոլիստի մոտ կորոնավիրուս հայտնաբերվեց, մենք հասկացանք՝ ինչ է կատարվում: «Յուվենտուսի» բժիշկներն ամբողջ ընթացքում մեր կողքին են եղել, մեզ վիտամիններ են տվել, որոնց շնորհիվ մեր ինքնազգացողությունը բարելավվել է»,- Mirror-ի հաղորդմամբ՝ ասել է Դիբալան:
Հիշեցնենք, որ կորոնավիրուս էր հայտնաբերվել նաև «Յուվենտուսի» իտալացի պաշտպան Դանիելե Ռուգանիի և ֆրանսիացի կիսապաշտպան Բլեզ Մատյուիդիի մոտ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։