ՈւԵՖԱ-ն հետաձգեց եվրագավաթների վերսկսումը, չեղարկեց հավաքականների հունիսյան հանդիպումները

19:40   1 ապրիլի, 2020

ՈւԵՖԱ-ն Եվրոպայի 55 ֆուտբոլային ֆեդերացիաների ներկայացուցիչների հետ հերթական խորհրդակցությունից հետո որոշել է կորոնավիրուսի պանդեմիայի պատճառով անորոշ ժամանակով հետաձգել Չեմպիոնների լիգայի եւ Եվրոպայի լիգայի վերսկսումը։

Որոշվել է նաեւ չեղարկել հունիսին նախատեսված ընկերական հանդիպումները, Ազգերի լիգայի փլեյ-օֆֆի խաղերը։ Հետաձգվել են նաեւ հուլիսին նախատեսված պատանեկան եւ երիտասարդական թիմերի մասնակցությամբ հանդիպումները։

Հիշեցնենք, որ հունիս-հուլիսին նախատեսված Եվրո-2020-ը հետաձգվել է մեկ տարով։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։