La Gazzetta dello Sport. Իբրահիմովիչը կհեռանա «Միլանից»
16:45 1 ապրիլի, 2020Իտալական «Միլանի» շվեդ հարձակվող Զլատան Իբրահիմովիչն ընթացիկ մրցաշրջանի ավարտից հետո կհեռանա թիմից, տեղեկացնում է La Gazzetta dello Sport-ը:
38-ամյա ֆուտբոլիստը հիասթափված է «Միլանի» ղեկավար կազմում տեղի ունեցած փոփոխություններից և դժգոհ է ակումբի գլխավոր տնօրեն Իվան Գազիդիսի ծրագրից:
Հավելենք, որ Իբրահիմովիչի՝ «Միլան» տեղափոխության նախաձեռնող, ակումբի տնօրենների խորհրդի անդամ Զվոնիմիր Բոբանը հեռացել է «Միլանից», իսկ շվեդ հարձակվողի հետ ջերմ հարաբերություններ ունեցող, ակումբի տեխնիկական տնօրեն Պաուլո Մալդինին ևս պատրաստվում է հրաժեշտ տալ պաշտոնին:
Հիշեցնենք, որ Զլատան Իբրահիմովիչը «Միլանի» հետ պայմանագիր է կնքել ձմեռային տրանսֆերային պատուհանի ընթացքում: Իտալական թիմի կազմում 10 խաղում 38-ամյա Իբրահիմովիչը դարձել է 4 գոլի և 1 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։