«Մանչեսթեր Յունայթեդն» ու «Չելսին» կպայքարեն «Բարսելոնայի» պաշտպանի համար
15:17 1 ապրիլի, 2020Կատալոնական «Բարսելոնայի» ֆրանսիացի պաշտպան Սամուել Ումտիտին ամառային տրանսֆերային պատուհանի ընթացքում, հնարավոր է, փոխի ակումբային գրանցումը:
26-ամյա պաշտպանի ծառայություններով հետաքրքրված են «Մանչեսթեր Յունայթեդն» ու Լոնդոնի «Չելսին»:
Ավելի վաղ հայտնի էր դարձել, որ «Բարսելոնայի» գլխավոր մարզիչ Կիկե Սետիենը հույսեր չի կապում ֆրանսիացի պաշտպանի հետ: Ակումբը պատրաստ է հրաժարվել Ումտիտիի ծառայություններից, եթե նրա դիմաց ստանա 50 միլիոն եվրո:
Ընթացիկ մրցաշրջանում բոլոր ակումբային մրցաշարերում Ումտիտին «Բարսելոնայի» կազմում մասնակցել է 16 հանդիպման:
Ումտիտին «Բարսելոնա» է տեղափոխվել 2016 թվականին՝ ֆրանսիական «Լիոնից»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։