Մյունխենի «Բավարիայի» և Գերմանիայի ազգային հավաքականի լեգենդար դարպասապահ Օլիվեր Կանը կմասնակցի նոր պայմանագրի վերաբերյալ գերմանացի դարպասապահ Մանուել Նոյերի հետ բանակցություններին, տեղեկացնում է Bild-ը:
«Բավարիայի» ղեկավար համակարգում պաշտոն զբաղեցնող Կանը կփորձի համոզել Նոյերին հրաժարվել ակումբի հետ միանգամից 5 տարվա պայմանագիր կնքելու գաղափարից: Կանը կառաջարկի ընդունել «Բավարիայի» հետ 3 տարվա պայմանագիր կնքելու առաջարկը՝ հետագայում այն 2 տարով երկարաձգելու հնարավորությամբ:
Ավելի վաղ հայտնի էր դարձել, որ նոր պայմանագրի վերաբերյալ բանակցություններում Նոյերն ու «Բավարիան» չեն կարողացել համաձայնության հասնել, և 34-ամյա դարպասապահը, հնարավոր է, ամռանը հեռանա մյունխենյան ակումբից:
Մանուել Նոյերի պայմանագիրը «Բավարիայի» հետ նախատեսված է մինչև 2021 թվականի հունիս:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։