Ֆրանսիայի չեմպիոն ՊՍԺ-ի 27-ամյա արգենտինացի հարձակվող Մաուրկո Իկարդիին քննադատել են Փարիզից ընտանիքի հետ Իտալիա վերադառնալու համար, հաղորդում է gazetta.it-ը։
Իկարդին որոշել է կարանտինն անցկացնել Լոմբարդիայում՝ Իտալիայում կորոնավիրուսի տարածման էպիկենտրոնում։ Ֆուտբոլիստն այստեղ տուն ունի։
Իկարդին քննադատություններին պատասխանել է Ինստագրամի իր էջի ուղիղ եթերում։
«Ես ունեի Իտալիայի իշխանությունների թույլտվությունը վերադառնալու այստեղ։ Անկասկած, կհետեւենք կառավարության եւ առողջապահության համակարգի բոլոր ցուցումներին, որպեսզի ընտանիքիս անդամները չենթարկվեն վարակման ռիսկի»,- ասել է Իկարդին։
Նրա տրանսֆերային իրավունքը պատկանում է Միլանի «Ինտերին»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։