Կորոնավիրուսը կարող է պատճառ դառնալ, որպեսզի Ռոնալդուն հեռանա «Յուվենտուսից». Il Messaggero
10:40 31 մարտի, 2020Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն ընթացիկ մրցաշրջանի ավարտից հետո, հնարավոր է, փոխի ակումբային գրանցումը:
Il Messaggero-ի հաղորդմամբ՝ կորոնավիրուսի պանդեմիայի հետևանքով առաջացած ֆինանսական ճգնաժամի պատճառով «Յուվենտուսը», ամենայն հավանականությամբ, չի կարողանա Ռոնալդուին վճարել նրա ամբողջ աշխատավարձը՝ 31 միլիոն եվրո, ինչի հետևանքով 35-ամյա հարձակվողը կարող է հրաժարվել նոր պայմանագիր կնքել թուրինյան ակումբի հետ:
Ավելի վաղ հայտնի էր դարձել, որ Ռոնալդուի ծառայություններով հետաքրքրված են իր նախկին ակումբը՝ անգլիական «Մանչեսթեր Յունայթեդը» և Ֆրանսիայի չեմպիոն ՊՍԺ-ն: Նշվում էր, որ Ռոնալդուն պատրաստ է ընդունել «Մանչեսթեր Յունայթեդի» առաջարկը, եթե ակումբին հաջողվի Չեմպիոնների լիգայի ուղեգիր նվաճել:
Պորտուգալացի ֆուտբոլիստի պայմանագիրը «Յուվենտուսի» հետ նախատեսված է մինչև 2022 թվականի հունիս: Իտալական ակումբը բանակցություններ է սկսել Ռոնալդուի հետ համագործակցությունը երկարաձգելու նպատակով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։