Խառը մենամարտերի թեթև քաշային կարգում UFC չեմպիոն, ռուսաստանցի Խաբիբ Նուրմագոմեդովը հրաժարվել է մենամարտել ամերիկացի Տոնի Ֆերգյուսոնի հետ՝ պատճառաբանելով, որ կարանտինի պայմաններում չի կարող մեկնել ԱՄՆ:
MMA Junkie-ի հաղորդմամբ՝ UFC-ի նախագահ Դանա Ուայթը ցանկանում է, որ Նուրմագոմեդովի փոխարեն Տոնի Ֆերգյուսոնի հետ մենամարտի ամերիկացի Ջասթին Գեթժին, որը նախորդ տարվա սեպտեմբերին պարտություն էր կրել Նուրմագոմեդովից:
Տոնի Ֆերգյուսոնը դեռ իր համաձայնություն չի տվել Գեթժիի հետ մենամարտի անցկացմանը:
Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը նախատեսված էր անցկացնել ապրիլի 18-ին: Ամերիկացի մարզիկը Նուրմագոմեդովին անվանել է վախկոտ և հայտարարել, որ Խաբիբը խուսափում է իր հետ մենամարտից և թաքնվել է Ռուսաստանում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։