Իտալական «Բենեւենտոյի» գլխավոր մարզիչ Ֆիլիպո Ինձագին հորդորել է ավարտին հասցնել Իտալիայի առաջնությունները կորոնավիրուսի պանդեմիան հաղթահարելուց եւ կարանտինից դուրս գալուց հետո։
«Հիմա գլխավոր առաջնահերթությունն առողջությունն է, բայց երբ ամեն ինչ ավարտվի, մենք ցանկանում ենք ավարտել այն, ինչ սկսել ենք 8 ամիս առաջ։ Առաջնությունը պետք է անավարտ չմնա։ Թյուրիմացություններից խուսափելու համար դա լավագույն լուծումն է։
Մենք պատրաստ ենք խաղալ հունիսին, հուլիսին եւ օգոստոսին։ Մենք ցանկանում ենք ավարտել առաջնությունը, քանի որ որեւէ այլ որոշում վնաս կտա։ Մենք կհայտնվենք դատավարություններում, որոշ ակումբներ կլուծարվեն, ֆուտբոլը կկորցնի ոչ թե երկու ամիս, այլ երկու տարի»,- Ինձագիի խոսքը մեջբերում է Goal.com-ը։
Իտալիայի առաջնության վերսկսումը սպասվում է հունիսին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։