Չավի․ Ցանկանում եմ վերադառնալ «Բարսելոնա»

20:27   29 մարտի, 2020

Քաթարի «Ալ Սադի» գլխավոր մարզիչ Չավի Էրնանդեսը ցանկանում է վերադառնալ «Բարսելոնա» արդեն մարզիչի դերում։

«Իսկապես ցանկանում եմ մարզչական կարիերաս շարունակել «Բարսելոնայում»։ Հիմա ձեռք եմ բերել որոշակի մարզչական փորձ եւ կարող եմ ինչ-որ բան տալ խաղացողներին։ Բայց «Բարսելոնայում» ցանկանում եմ լինել զրոյից սկսվող նախագծում, բոլոր որոշումների պատասխանատվությամբ։

Այո, ես մերժել եմ «Բարսելոնային» Էռնեստո Վալվերդեի հեռանալուց հետո։ Այդ իրավիճակի հետ կապված ոչ մի խնդիր չեմ տեսնում։ Ցանկանում եմ աշխատել նրանց հետ, որոնց վստահում եմ։ Հանդերձարանում ոչ մի «թունավոր» մարդ պետք է չլինի»,- Չավիի խոսքը La Vanguardia-ն։

40-ամյա Չավին մինչեւ 2015-ին «Ալ Սադ» տեղափոխվելը ամբողջ կարիերան անցկացրել է «Բարսելոնայում»՝ 1998 թվականից։ Կատալոնական թիմի հետ նա դարձել է Իսպանիայի 8-ակի չեմպիոն, եռակի գավաթակիր, 6-ակի սուպերգավաթակիր, Չեմպիոնների լիգայի քառակի հաղթող, Եվրոպայի կրկնակի սուպերգավաթակիր, աշխարհի կրկնակի ակումբային չեմպիոն։ Իսպանիայի հավաքականում Չավին դարձել է 2010թ․ աշխարհի չեմպիոն, 2008 եւ 2012 թվականների Եվրոպայի չեմպիոն։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։