Իտալիայի սպորտի նախարար․ Իրատեսական չէ մրցաշրջանի վերսկսումը մայիսի 3-ին
17:18 29 մարտի, 2020Իտալիայի սպորտի նախարար Վինչենցո Սպադաֆորան մեկնաբանել է ֆուտբոլի Իտալիայի առաջնության վերսկսման հավանականությունը կորոնավիրուսի պանդեմիայի պայմաններում։
«Իրատեսական չէ մրցաշրջանի վերսկսումը մայիսի 3-ին։ Ակումբները սխալ են թույլ տվել՝ խաղալով այն ժամանակ, երբ պետք էր դադարեցնել առաջնությունը։
Մարտի 30-ին կառաջարկեմ դադարեցնել նաեւ մարզումներն ու այլ մարզական միջոցառումները, որոնք կապված չեն մրցումների հետ։ Մինչեւ հիմա չէինք միջամտում մարզումներին, քանի որ կարծում էինք, թե կպահպանվի առաջնությունը շարունակելու հնարավորություն։ Սպորտը միայն ֆուտբոլ չէ, ֆուտբոլը միայն Ա Սերիա չէ։
Մեծ ակումբները պետք է փոխվեն։ Նրանք ապրում են պղպջակի մեջ, ծախսում են միջոցներին անհամապատասխան՝ սկսած աշխատավարձից։ Նրանք պետք է հասկանան, որ ճգնաժամից հետո այդպես չի շարունակվի»,- նախարարի խոսքը մեջբերում է gazetta.it-ը։
Հիշեցնենք, որ Իտալիայի չեմպիոն Թուրինի «Յուվենտուսը» մարտից մինչեւ հունիս գլխավոր թիմի ֆուտբոլիստներին եւ մարզիչներին աշխատավարձ չի վճարելու։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։