Շվեդիայում եւ Բելառուսում այսօր տեղի կունենա 20 ֆուտբոլային հանդիպում հանդիսականների ներկայությամբ

12:36   29 մարտի, 2020

Բելառուսում եւ Շվեդիայում շարունակվում են ֆուտբոլային հանդիպումները հանդիսականների ներկայությամբ

Մարտի 29-ին Բելառուսում տեղի կունենա երկրի առաջնության երկու հանդիպում։ «Նեմանը» Հայաստանի հավաքականի հարձակվող Գեղամ Կադիմյանի հետ տանը կմրցի «Վիտեբսկի» հետ։ Հանդիսականները պետք է նստեն իրարից 1,5 մետր հեռու։

Շվեդիայում առաջնությունը չի մեկնարկել (նախատեսված է ապրիլի 4-ին), սակայն տեղի կունենա 18 ընկերական հանդիպում։ 9 խաղ կանցկացնեն տղամարդկանց թիմերը, 9 խաղ՝ կանանց թիմերը։ Հանդիպումներին թույլատրված է մինչեւ 500 հանդիսական։

Այս երկրներում կորոնավիրուսի պանդեմիայի պատճառով կարանտին հայտարարված չէ։ Հիմնարկներն ու դպրոցները բաց են։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։