Ռոբերտո Մարտինես․ Էդեն Ազարը լիովին հարմարվել է Պրիմերային
20:26 28 մարտի, 2020Ֆուտբոլի Բելգիայի հավաքականի իսպանացի գլխավոր մարզիչ Ռոբերտո Մարտինեսը խոսել է Իսպանիայի առաջնությունում բելգիացի կիսապաշտպան Էդեն Ազարի առաջին մրցաշրջանի մասին։ 29-ամյա ֆուտբոլիստն անցած ամռանն է Լոնդոնի «Չելսիից» տեղափոխվել «Ռեալ»։
«Ազարը լիովին հարմարվել է Պրիմերային եւ «Ռեալին», բայց խանգարում են վնասվածքները։ Ընթացիկ մրցաշրջանում նա ավելի շատ հանդիպում բաց թողեց, քան ութ տարում «Չելսիի» հետ։ Վստահ եմ, որ սա միայն դժբախտություն է, եւ շուտով ամեն ինչ կփոխվի։
Կարծում եմ՝ Ազարը կարող է դառնալ առանցքային դերակատար «Ռեալում» եւ Բելգիայի հավաքականում»,- Ռոբերտո Մարտինեսի խոսքը մեջբերում է AS-ը։
Ազարը ոտնաթաթի վնասվածք է ստացել փետրվարի 22-ին եւ վիրահատվել է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։