Հայաստանի հավաքականի պաշտպանը հայր է դարձել. Հարցազրույց Անդրե Կալիսիրի հետ (ֆոտո)
10:10 28 մարտի, 2020Հայաստանի ազգային հավաքականի և շվեդական «Գյոտեբորգի» պաշտպան Անդրե Կալիսիրը NEWS.am Sport-ի թղթակցի հետ զրույցում պատմել է Շվեդիայում կորոնավիրուսի պանդեմիայով պայմանավորված իրավիճակի մասին, նաև անդրադարձել հավաքականի նորանշանակ գլխավոր մարզիչ Խոակին Կապարոսի հետ աշխատանքից իր սպասելիքներին:
ՖՈւՏԲՈԼԸ ԵՎ ԿՈՐՈՆԱՎԻՐՈւՍԸ
«Շվեդիայում իրավիճակը գտնվում է վերահսկողության տակ, մեր թիմում մարզումները շարունակվում են սովորական ռեժիմով: Այնուամենայնիվ, չեղարկվել են գավաթային հանդիպումները, իսկ առաջնությունը կարող է վերսկսվել միայն հունիսին մոտ»:
ԽՈԱԿԻՆ ԿԱՊԱՐՈՍԻ ՄԱՍԻՆ
«Նա մարզիչ է, որը լավ արդյունքներ է գրանցել բավականին հայտնի թիմերի հետ: Վստահ եմ, որ նրա գիտելիքներն ու փորձն օգուտ կտան Հայաստանի հավաքականին»:
Հ.Գ. Հարցազրույցից հետո հայտնի դարձավ, որ 29-ամյա ֆուտբոլիստը հայր է դարձել: Շնորհավորում ենք Անդրեին որդու` Նիկո Ալեքսանդրի ծննդյան կապակցությամբ, և մաղթում ենք ամենայն բարիք:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.