Կոուտինյոն 3 տարբերակ է քննարկում կարիերան շարունակելու համար
16:53 27 մարտի, 2020Կատալոնական «Բարսելոնայի» և Բրազիլիայի ազգային հավաքականի կիսապաշտպան Ֆիլիպե Կոուտինյոն, որն ընթացիկ մրցաշրջանը վարձակալությամբ անցկացնում է Մյունխենի «Բավարիայում», ամենայն հավանականությամբ, ամռանը կտեղափոխվի Անգլիայի Պրեմյեր լիգա:
Mundo Deportivo-ի հաղորդմամբ՝ եթե «Բարսելոնան» հրաժարվի հետ ընդունել Կոուտինյոյին, ապա բրազիլացի ֆուտբոլիստը կքննարկի Պրեմյեր լիգա վերադառնալու հնարավորությունը: Այս պահին 27-ամյա ֆուտբոլիստի հետ բանակցություններ են վարում «Մանչեսթեր Յունայթեդը», «Չելսին» և «Տոտենհեմը»:
Ավելի վաղ հայտնի էր դարձել, որ Մյունխենի «Բավարիան» հրաժարվել է ընթացիկ մրցաշրջանի ավարտից հետո ձեռք բերել Կոուտինյոյի տրանսֆերային իրավունքը:
Ընթացիկ մրցաշրջանում բրազիլացի ֆուտբոլիստը «Բավարիայի» կազմում 32 խաղում դարձել է 9 գոլի և 6 գոլային փոխանցման հեղինակ:
Հիշեցնենք, որ 2013-2018 թվականներին Կոուտինյոն հանդես է եկել անգլիական «Լիվերպուլում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։