Իտալական «Միլանի» դարպասապահ Ջանլուիջի Դոնարուման հայտարարել է, որ ամենաշատը վախենում է Թուրինի «Յուվենտուսի» և Պորտուգալիայի ազգային հավաքականի հարձակվող Կրիշտիանու Ռոնալդուից:
«Ես խաղացել եմ աշխարհի լավագույն հարձակվողների դեմ, սակայն ամենաշատը վախենում եմ Ռոնալդուից: Նա, իրոք, հրաշալի ֆուտբոլիստ է, որը ցանկացած դիրքից կարող է դիպուկ հարված կատարել»,- Football Italia-ի հաղորդմամբ՝ ասել է Դոնարուման:
Ընթացիկ մրցաշրջանում 21-ամյա դարպասապահը «Միլանի» կազմում մասնակցել է 26 հանդիպման՝ սեփական դարպասն ընդունելով 33 գնդակ:
Դոնարումայի պայմանագիրը միլանյան ակումբի հետ նախատեսված է մինչև ընթացիկ մրցաշրջանի ավարտ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։