Աշխարհի չեմպիոն, նորվեգացի Մագնուս Կարլսենի եւ հավակնորդի միջեւ շախմատային թագի համար մրցախաղը չի հետաձգվի։ Այս մասին հայտարարել է Շախմատի միջազգային ֆեդերացիայի (ՖԻԴԵ) նախագահ Արկադի Դվորկովիչը։
Կորոնավիրուսի պանդեմիայի պատճառով դադարեցվել է աշխարհի չեմպիոնի հավակնորդների մրցաշարը, որն անցկացվում էր Ռուսաստանի Եկատերինբուրգ քաղաքում եւ արդեն տեղի էր ունեցել 7 տուր։ Մնացել է եւս 7 տուր։
«Հավակնորդների մրցաշարը հաստատ ավարտին կհասցնենք այս տարի։ Ստույգ ժամկետի եւ վայրի մասին որոշում կլինի առաջիկայում, երբ իրավիճակը կկայունանա։
Շախմատային թագի համար մրցախաղն անցկացվում է տարվա վերջում։ Ժամկետի փոփոխության մասին խոսք չկա»,- Դվորկովիչի խոսքը մեջբերում է tass.ru-ն։
Հիշեցնենք, որ հավակնորդների մրցաշարի 7 տուրից հետո առաջատարներն են ռուսաստանցի Յան Նեպմնյաշչին եւ ֆրանսիացի Մաքսիմ Վաշյե-Լագրավը, որոնք վաստակել են 4,5-ական միավոր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։