«Մանչեսթեր Յունայթեդը» պատրաստ է Պոգբային 100 միլիոն եվրոյով վաճառել «Ռեալին»

18:46   26 մարտի, 2020

Անգլիական «Մանչեսթեր Յունայթեդը» պատրաստ է առաջիկա տրանսֆերային պատուհանի ընթացքում աշխարհի չեմպիոն Ֆրանսիայի հավաքականի կիսապաշտպան Պոլ Պոգբային 100 միլիոն եվրոյով վաճառել Մադրիդի «Ռեալին», հաղորդում է իսպանական AS-ը։

Անցած ամռանը «Մանչեսթեր Յունայթեդը» հրաժարվել էր 100 միլիոով վաճառել Պոգբային ֆրանսիացի Զինեդին Զիդանի գլխավորած թիմին։ Կորոնավիրուսի պանդեմիայի հետեւանքով ֆուտբոլում հնարավոր ֆինանսական ճգնաժամը կարող է ստիպել մանչեսթերյան ակումբին ավելի ցածր գնով վաճառել Պոգբային, որի ծառայություններով հետաքրքրված են նաեւ Իտալիայի չեմպիոն Թուրինի «Յուվենտուսն» ու Ֆրանսիայի չեմպիոն ՊՍԺ-ն։

Պոգբայի պայմանագիրը «Մանչեսթեր Յունայթեդի» հետ նախատեսված է մինչեւ 2021թ․ հունիս։ Ընթացիկ մրցաշրջանի մեծ մասը Պոգբան բաց է թողել վնասվածքների պատճառով։ Անգլիայի ընթացիկ առաջնությունում 27-ամյա ֆուտբոլիստը մասնակցել է 7 հանդիպման, կատարել 2 գոլային փոխանցում։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։