Հոլանդի հայրը պատմել է՝ ինչու է ձախողվել որդու՝ «Մանչեսթեր Յունայթեդ» տեղափոխությունը
15:47 26 մարտի, 2020Դորտմունդի «Բորուսիայի» նորվեգացի հարձակվող Էրլինգ Հոլանդի հայրը պատմել է, թե ինչու ձմեռային տրանսֆերային պատուհանի ընթացքում իր որդին հրաժարվեց «Մանչեսթեր Յունայթեդ» տեղափոխությունից:
«Էրլինգը գոհ է, որ տեղափոխվել է «Բորուսիա»: Այստեղ նա իրեն շատ լավ ու գնահատված է զգում:
«Մանչեսթեր Յունայթեդում» Էրլինգի ձեռքբերմամբ հետաքրքրված էր միայն Սուլշերը, սակայն մենք չէինք կարող ընտրել մի ակումբ, որտեղ մեզ այդքան էլ չէին սպասում»,- Հոլանդի հոր խոսքը փոխանցում է Goal.com-ը:
Հիշեցնենք, որ 19-ամյա Էրլինգ Հոլանդը Դորտմունդի «Բորուսիա» է տեղափոխվել ձմեռային տրանսֆերային պատուհանի ընթացքում՝ ավստրիական «ՌԲ Զալցբուրգից»: Դորտմունդյան ակումբը նորվեգացի հարձակվողի դիմաց վճարել է 20 միլիոն եվրո:
«Բորուսիայի» կազմում Հոլանդը մասնակցել է 11 հանդիպման՝ դառնալով 12 գոլի ու 1 գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։