Որտե՞ղ կանցկացվի Նուրմագոմեդով - Ֆերգյուսոն մենամարտը. Բուքմեյքերների կանխատեսումը

12:45   26 մարտի, 2020

Բուքմեյքերական ընկերությունները կանխատեսում են կատարել խառը մենամարտերի թեթև քաշային կարգում չեմպիոն, ռուսաստանցի Խաբիբ Նուրմագոմեդովի և ամերիկացի Տոնի Ֆերգյուսոնի առաջիկա մենամարտի անցկացման վայրի վերաբերյալ:

Բուքմեյքերները վստահ են, որ մենամարտը կանցկացվի ԱՄՆ Ֆլորիդա նահանգում: Երկրորդ ամենահավանական վայրը Դուբայն է: Ըստ բուքմեյքերների՝ հավանական է մենամարը նաև Ռուսաստանում անցկացնելը:

Ավելի վաղ UFC նախագահ Դանա Ուայթը հայտարարել էր, որ որոշել է մենամարտի անցկացման վայրը, սակայն մանրամասներ հայտնել չի կարող:

Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը նախատեսված էր անցկացնել ապրիլի 18-ին Լաս Վեգասում: Կորոնավիրուսի պանդեմիայի պատճառով Լաս Վեգասի իշխանություններն արգելեցին մենամարտի անցկացումը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։