Մադրիդի «Ռեալի» բելգիացի հարձակվող Էդեն Ազարը կարծիք է հայտնել Արքայական ակումբում իր առաջին մրցաշրջանի վերաբերյալ:
««Ռեալում» իմ առաջին մրցաշրջանն անհաջող ստացվեց: Ինձ խանգարեցին վնասվածքները, սակայն հույս ունեմ, որ հաջորդ մրցաշրջանում կկարողանամ ամբողջ ուժերով օգնել թիմին:
Այնուամենայնիվ, ես գոհ եմ «Ռեալի» անձնակազմից: Սա մեծ փորձ էր ինձ համար, ես նոր մարդկանց բացահայտեցի»,- 29-ամյա Ազարի խոսքը փոխանցում է RTBF-ը:
Իսպանիայի ընթացիկ առաջնությունում Ազարը մասնակցել է ընդամենը 10 հանդիպման։ 29-ամյա ֆուտբոլիստը առաջնության սկզբում երեք հանդիպում բաց էր թողել ծնկատակի ջլի վնասվածքի պատճառով, նոյեմբերից էլ չէր խաղացել ոտքի ոսկրի միկրոճաքի հետեւանքով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։