Իսպանիայի ֆուտբոլի ֆեդերացիան 500 միլիոն եվրո օգնություն կտրամադրի ակումբներին
10:45 26 մարտի, 2020Իսպանիայի ֆուտբոլի ֆեդերացիայի նախագահ Լուիս Ռուբիալեսը հայտարարել է, որ իսպանական ակումբներին կորոնավիրուսի պանդեմիայի պատճառած վնասները մասամբ կփոխհատուցի նաև ֆեդերացիան:
«Մենք այս հարցը քննարկել ենք ֆինանսական կազմակերպությունների հետ: Եթե Լա Լիգայի ղեկավարությանն այս տարբերակը կհետաքրքրի, մենք պատրաստ ենք քննարկել:
Աշխատում ենք 500 միլիոն եվրո վարկ ձևակերպել, որը որպես օգնություն կտրամադրենք իսպանական ակումբներին»,- Ռուբիալեսի խոսքը փոխանցում է Marca-ն:
Կորոնավիրուսի պատճառով Եվրոպայի առաջատար ֆուտբոլային առաջնություններում հանդես եկող թիմերը լուրջ ֆինանսական խնդիրների առաջ են կանգնել: Ակումբները ֆինանսական ճգնաժամը հաղթահարելու համար մտադիր են կիսով չափ կրճատել ֆուտբոլիստների աշխատավարձերը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։