Ալեքսանդր Կարապետյան. Կապարոսը կօգնի հավաքականին զարգանալ, «Սոչիում» մարզվում ենք սովորական ռեժիմով (ֆոտո)
15:15 26 մարտի, 2020Ռուսական «Սոչիի» և Հայաստանի ազգային հավաքականի հարձակվող Ալեքսանդր Կարապետյանը NEWS.am Sport-ի թղթակցի հետ զրույցում պատմել է՝ կորոնավիրուսի պանդեմիայի պատճառով ինչ իրավիճակ է տիրում Ռուսաստանում, նաև կիսվել է Հայաստանի ազգային հավաքականի նորանշանակ գլխավոր մարզիչ Խոակին Կապարոսի հետ աշխատանքից իր սպասելիքներով:
«ՄԱՐԶՎՈւՄ ԵՆՔ ՍՈՎՈՐԱԿԱՆ ՌԵԺԻՄՈՎ»
«Մինչև վերջին պահը Ռուսաստանում շարունակվում էր առաջնությունը, սակայն կյանքում կան բաներ, որոնք ֆուտբոլից կարևոր են: Կարծում եմ՝ ճիշտ որոշում է ընդունվել: Այնուամենայնիվ, դադարը մեր շահերից չէր բխում, քանի որ լավ մարզավիճակ էինք ձեռք բերել և հաղթել էինք 3 անընդմեջ խաղերում:
Սոչիում իրավիճակն ամբողջությամբ վերահսկվում է, մինչև այս պահը կարանտին հայտարարված չէ: Շարունակում ենք մարզվել և սպասել: Ի տարբերություն շատերի, մենք մարզվում ենք սովորական ռեժիմով, և կարծում եմ՝ մարզավիճակը պահպանելու հետ կապված խնդիրներ չեն առաջանա»:
«ԿԱՊԱՐՈՍԸ ԿՕԳՆԻ ՄԵԶ ԶԱՐԳԱՆԱԼ»
«Ուրախ եմ, որ մենք նոր մարզիչ ունենք՝ հանրահայտ և փորձառու: Կարծում եմ՝ նա կօգնի մեզ զարգանալ: Վերջին ընտրական փուլում մենք շատ մոտ էինք սենսացիա գրանցելուն: Կապարոսի գլխավորությամբ ևս 1 քայլ առաջ կկատարենք: Մեր գլխավորը նպատակը 2022թ. Քաթարում կայանալիք աշխարհի առաջնության եզրափակիչ փուլի ուղեգիր նվաճելն է»:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.