Խառը մենամարտերի թեթև քաշային կարգում չեմպիոն, ռուսաստանցի Խաբիբ Նուրմագոմեդովը մեկնաբանել է Լաս Վեգասում ամերիկացի Տոնի Ֆերգյուսոնի հետ տեղի ունենալիք մենամարտի չեղարկումը:
«Դա տպավորիչ ճանապարհորդություն էր, որը, ի դեպ, չի ավարտվել: Հետևեք ձեզ և ձեր հարազատներին: Սպորտը չի կարող բարձր լինել մարդկային արժեքներից»,- գրել է Նուրմագոմեդովն Ինստագրամի իր պաշտոնական էջում:
Հիշեցնենք, որ Խաբիբ Նուրմագոմեդովի և Տոնի Ֆերգյուսոնի մենամարտը նախատեսված էր անցկացնել ապրիլի 18-ին Լաս Վեգասում: Կորոնավիրուսի պանդեմիայի պատճառով Լաս Վեգասի իշխանություններն արգելեցին մենամարտի անցկացումը:
UFC նախագահ Դանա Ուայթն ավելի վաղ հայտարարել էր, որ մենամարտը կանցկացվի նախատեսված ժամանակին, իսկ անցկացման վայրի վերաբերյալ դեռ վերջնական որոշում չի ընդունվել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։