Պրեմյեր լիգայի 8 թիմ դեմ է, որ «Մանչեսթեր Սիթին» մասնակցի Չեմպիոնների լիգային
14:07 25 մարտի, 2020Անգլիայի Պրեմյեր լիգան ներկայացնող 8 ակումբ կդիմի Լոզանի մարզական վճռաբեկ դատարանին (CAS), որպեսզի «Մանչեսթեր Սիթին» հնարավորություն չստանա հաջորդ մրցաշրջանում մասնակցել Չեմպիոնների լիգային, տեղեկացնում է Daily Mail-ը:
Կորոնավիրուսի պանդեմիայով պայմանավորված՝ Լոզանի մարզական վճռաբեկ դատարանը ժամանակավորապես դադարեցրել է ՈւԵՖԱ-ի որոշման դեմ «Մանչեսթեր Սիթիի» բողոքարկման քննությունը:
Անգլիական ակումբները մտավախություն ունեն, որ մինչև դատարանի որոշումը «Մանչեսթեր Սիթիին» կարող է թույլատրվել մասնակցել Չեմպիոնների լիգային:
Հիշեցնենք, որ ֆինանսական արդար-խաղի կանոնները խախտելու պատճառով ՈւԵՖԱ-ն «Մանչեսթեր Սիթիին» առաջիկա 2 մրցաշրջաններում զրկել է եվրագավաթային մրցաշարերին մասնակցելու իրավունքից: Ակումբը տուգանվել է նաև 30 միլիոն եվրոյով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։