Էդգար Բաբայան. Խոակին Կապարոսի գլխավորությամբ Հայաստանի հավաքականը կարող է մեծ հաջողությունների հասնել
13:30 25 մարտի, 2020Հայաստանի հավաքականի և դանիական «Հոբրոյի» կիսապաշտպան Էդգար Բաբայանը NEWS.am Sport-ի թղթակցի հետ զրույցում խոսել է Դանիայում կորոնավիրուսի պատճառով ստեղծված իրավիճակի մասին, նաև կիսվել Հայաստանի հավաքականի նորանշանակ գլխավոր մարզիչ Խոակին Կապարոսի հետ աշխատանքից իր սպասելիքների մասին:
ՖՈւՏԲՈԼ ԵՎ ԿՈՐՈՆԱՎԻՐՈՒՍ
«Կարծում եմ, որ իրավիճակն ամենուր նույնն է: Դանիայում գրեթե ամեն ինչ փակ է, բացառությամբ սուպերմարկետների: Փորձում եմ վազքի և տարբեր վարժությունների միջոցով պահպանել մարզավիճակս»:
«ՀԱՎԱՏՈւՄ ԵՄ ՄԵՐ ՀԱՋՈՂՈւԹՅԱՆԸ»
«Խոակին Կապարոսը փորձառու մարզիչ է: Վստահ եմ, որ նրա գլխավորությամբ Հայաստանի հավաքականը կարող է մեծ հաջողությունների հասնել: Մենք, իսկապես, նման մասնագետի կարիք ունեինք: Հայաստանի հավաքականն ի վիճակի է պայքարել 2022թ. աշխարհի առաջնության ուղեգրի համար: Սրանք պարզապես խոսքեր չեն: Ես հավատում եմ մեր հաջողությանը»:
Սամվել Սուքիասյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։