Անգլիական «Մանչեսթեր Յունայթեդի» ղեկավարությունը վստահ է, որ թիմի ֆրանսիացի կիսապաշտպան Պոլ Պոգբան ամառային տրանսֆերային պատուհանի ընթացքում ցանկություն չի հայտնի փոխել ակումբային գրանցումը:
ESPN-ի հաղորդմամբ՝ մանչեսթերյան ակումբի ղեկավարությունը վստահ է, որ Եվրոպայում ոչ մի թիմ պատրաստ չէ Պոգբային վճարել այնքան աշխատավարձ, որքան 26-ամյա կիսապաշտպանը ստանում է «Մանչեսթեր Յունայթեդում»:
Պոլ Պոգբայի տեղափոխությամբ հետաքրքրված է ֆրանսիացի ֆուտբոլիստի նախկին ակումբը՝ Թուրինի «Յուվենտուսը», որտեղ Պոգբան հանդես է եկել 2012-2016 թվականներին:
Ավելի վաղ Պոլ Պոգբայի գործակալ Մինո Ռայոլան չէր բացառել, որ իր հաճախորդն ամռանը կարող է վերադառնալ «Յուվենտուս»:
Պոգբայի պայմանագիրը «Մանչեսթեր Յունայթեդի» հետ նախատեսված է մինչև 2021 թվականի հունիս:
Անգլիայի ընթացիկ առաջնությունում Պոգբան մասնակցել է 7 հանդիպման, կատարել 2 գոլային փոխանցում։ Հունվարին նա վիրահատվել է։ Անգլիայի առաջնությունը դադարեցվել է մինչեւ մայիս կորոնավիրուսի պանդեմիայի պատճառով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։