Օլիմպիական խաղերը հետաձգվեցին 1 տարով
16:38 24 մարտի, 2020Միջազգային օլիմպիական կոմիտեի նախագահ Թոմաս Բախը ընդունել է Ճապոնիայի իշխանությունների և Օլիմպիական խաղերի կազմկոմիտեի առաջարկը 2020 թվականի ամառային Օլիմպիական խաղերը 1 տարով հետաձգելու վերաբերյալ, տեղեկացնում է Օլիմպիական խաղերն ընդունող երկրի՝ Ճապոնիայի վարչապետի գրասենյակի մամուլի ծառայությունը:
Ճապոնիայի վարչապետ Սինձո Աբեի առաջարկով՝ Օլիմպիական խաղերը կանցկացվեն 2021 թվականի հուլիսի 24-ից օգոստոսի 9-ը:
Միջազգային օլիմպիական կոմիտեն դեռևս պաշտոնական հայտարարությամբ հանդես չի եկել Տոկիո-2020-ը հետաձգելու վերաբերյալ:
Հիշեցնենք, որ կորոնավիրուսի պանդեմիայի պատճառով Ավստրալիան և Կանադան հայտարարել էին, որ չեն մասնակցի Օլիմպիական խաղերին, եթե ՄՕԿ-ը որոշում չընդունի խաղերը հետաձգելու վերաբերյալ:
Օլիմպիական խաղերը նախատեսված էին անցկացնել 2020 թվականի հուլիսի 24-ից օգոստոսի 9-ը:
Ավելի վաղ կորոնավիրուսի պանդեմիայի պատճառով հետաձգվել էր նաև ֆուտբոլի 2020 թվականի Եվրոպայի առաջնությունը:
After his telephone talks with IOC President Bach, PM Abe spoke to the press and explained that the two have agreed that the Tokyo Olympic Games would not be cancelled, and the games will be held by the summer of 2021. pic.twitter.com/ihe8To2g3R
— PM's Office of Japan (@JPN_PMO) March 24, 2020
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.