Գրիզմանը կհեռանա՞. 3 թիմ կապ է հաստատել «Բարսելոնայի» հետ
18:11 24 մարտի, 2020Կատալոնական «Բարսելոնայի» և Ֆրանսիայի ազգային հավաքականի հարձակվող Անտուան Գրիզմանը ամառային տրանսֆերային պատուհանի ընթացքում կարող է փոխել ակումբային գրանցումը, տեղեկացնում է Mundo Deportivo-ն:
29-ամյա Գրիզմանի ծառայություններով հետաքրքրված է Լոնդոնի «Արսենալը», որը փոխարինող է փնտրում ամռանը թիմից հեռացող Պյեր-Էմերիկ Օբամեյանգին: Ֆրանսիացի հարձակվողի ծառայություններով հետաքրքրված են նաև Ֆրանսիայի չեմպիոն ՊՍԺ-ն և անգլիական «Մանչեսթեր Յունայթեդը»:
Կատալոնական ակումբը ցանկանում է աշխարհի չեմպիոն Ֆրանսիայի հավաքականի 29-ամյա ֆուտբոլիստի տրանսֆերից ստանալ առնվազն 100 միլիոն եվրո:
Գրիզմանը 2019թ․ ամռանը Մադրիդի «Աթլետիկոյից» Կատալոնիա է տեղափոխվել 120 միլիոն եվրոյի դիմաց։ Իսպանիայի ընթացիկ առաջնությունում նա մասնակցել է 26 հանդիպման, խփել 8 գոլ, կատարել 5 գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։